Info Proyekto

Ki e ta?

Nos ta Konektá ta un proyekto kaminda hóbennan di 12 pa 17 aña den un bario di ménos rekurso ta haña les di kòmpiuter i uso di Internet, ‘mediawijsheid’ i traha ku informashon.

Di kon e proyekto ta importante?

Awendia nos ta biba den un temporada digital, kaminda e ta bira mas i mas importante pa por manehá kòmpiuter. Den famianan di ménos rekurso hopi bia falta un kòmpiuter i tambe akseso na Internet. E buraku digital ku tin ta sòru ku e hóbennan aki no tin mesun chèns pa desaroyá nan mes pa futuro.

Mishon

E mishon di Nos ta Konektá ta pa mehorá e abilidatnan digital serka hóbennan den bario di ménos rekurso pa asina nan ta prepará mihó pa ku futuro estudio i trabou.