Nulmeting
Deze link is alleen voor de deelnemers: http://indigoblueconsult.limequery.com/238599
KOMUNIKADO DI PRENSA Nos Ta Konektá ta kuminsá proyekto na Ser’i Domi
Otrobanda, 2 di sèptèmber 2018
Djadumingu a duna komienso na e proyekto Nos Ta Konektá na Crown Automotive na Ser’i Domi. Mas òf ménos 35 mucha huntu ku nan mayor tabata presente na e inougurashon.
Nos ta Konektá ta un proyekto pa mucha sera konosí ku mundu digital. Ta duna mucha i hóben e disponibilidat riba un lèptòp huntu ku wifi i siña nan kon pa anda ku nan durante un aña largu. Ta trata di mucha ku normalmente no tin akseso na mundu digital. En total un kantidat di 55 mucha lo bai partisipá na e proyekto akí.
Nos ta Konektá ta traha huntu ku komishon di bario di Ser’i Domi i tambe sektor Famia i Hubentut di Ministerio di Desaroyo Sosial, Labor i Bienestar. E Komishon di bario ta organisá un ke otro i e ministerio di gobièrnu ta sostené mayornan ku e programa ‘Triple P’, un método ku ta uza pa siña mayornan eduká nan yu na un manera positivo. A ehekutá Triple P den diferente proyekto kaba. Nos Ta Konektá ta atendé ku e lèsnan i ku e abilidatnan digital di e muchanan.
Durante e lansamentu di e proyekto minister Koeiman a pone énfasis riba e echo ku muchanan di Ser’i Domi tin suerte ku a skohe nan bario pa e proyekto. ‘Ora bo haña un oportunidat, tum’é, pa asina bo krese i desaroyá bo mes’. Sr. Bentley Leonora, presidente di Fundashon Kòrsou Habrí a motivá e hóbennan bisando ku nan mester tin perseveransia i ku nan mester persistí i keda bin lès sin falta. Sra. Peggy Grootens a duna un presentashon tokante e método Triple P.
E kombinashon di Nos Ta Konektá ku Triple P ta ehèmpel di un manera integral pa hasi trabou den bario: mucha i mayor i organisashon di bario huntu ta kontribuí na bienestar di muchanan den bario. Spònsernan di e proyekto Nos Ta Konektá ta entre otro: Tom’s Planner, Banko Sentral di Kòrsou i Sint Maarten, i Fundashon Johannes Bosco.
Pa mas informashon konsultá nos wèpsait: www.nos-ta-konekta.com
Minister Hensley Koeiman di SOAW huntu ku hóbennan i mayornan partisipante di Ser’i Domi. Abou na man drechi Miembro di Parlamento Ana Maria Pauletta ku tambe ta presidente di Komishon di bario Ser’i Domi (Portrèt: Desmond Leetz/SOAW).
Hóbennan i mayornan di Ser’i Domi ku ta partisipa na e proyekto, huntu ku Minister Koeiman (meimei), presidente di bario Ana Maria Pauletta (abou na man drechi), Mamanan di Bario, Asistentnan (sintá dilanti) i Ace Suares (ariba na man robes) (Portrèt: Desmond Leetz/SOAW).
Nulmeting
Deze link is alleen voor de deelnemers: http://indigoblueconsult.limequery.com/238599
KOMUNIKADO DI PRENSA Nos Ta Konektá ta kuminsá proyekto na Ser’i Domi
Otrobanda, 2 di sèptèmber 2018
Djadumingu a duna komienso na e proyekto Nos Ta Konektá na Crown Automotive na Ser’i Domi. Mas òf ménos 35 mucha huntu ku nan mayor tabata presente na e inougurashon.
Nos ta Konektá ta un proyekto pa mucha sera konosí ku mundu digital. Ta duna mucha i hóben e disponibilidat riba un lèptòp huntu ku wifi i siña nan kon pa anda ku nan durante un aña largu. Ta trata di mucha ku normalmente no tin akseso na mundu digital. En total un kantidat di 55 mucha lo bai partisipá na e proyekto akí.
Nos ta Konektá ta traha huntu ku komishon di bario di Ser’i Domi i tambe sektor Famia i Hubentut di Ministerio di Desaroyo Sosial, Labor i Bienestar. E Komishon di bario ta organisá un ke otro i e ministerio di gobièrnu ta sostené mayornan ku e programa ‘Triple P’, un método ku ta uza pa siña mayornan eduká nan yu na un manera positivo. A ehekutá Triple P den diferente proyekto kaba. Nos Ta Konektá ta atendé ku e lèsnan i ku e abilidatnan digital di e muchanan.
Durante e lansamentu di e proyekto minister Koeiman a pone énfasis riba e echo ku muchanan di Ser’i Domi tin suerte ku a skohe nan bario pa e proyekto. ‘Ora bo haña un oportunidat, tum’é, pa asina bo krese i desaroyá bo mes’. Sr. Bentley Leonora, presidente di Fundashon Kòrsou Habrí a motivá e hóbennan bisando ku nan mester tin perseveransia i ku nan mester persistí i keda bin lès sin falta. Sra. Peggy Grootens a duna un presentashon tokante e método Triple P.
E kombinashon di Nos Ta Konektá ku Triple P ta ehèmpel di un manera integral pa hasi trabou den bario: mucha i mayor i organisashon di bario huntu ta kontribuí na bienestar di muchanan den bario. Spònsernan di e proyekto Nos Ta Konektá ta entre otro: Tom’s Planner, Banko Sentral di Kòrsou i Sint Maarten, i Fundashon Johannes Bosco.
Pa mas informashon konsultá nos wèpsait: www.nos-ta-konekta.com
Minister Hensley Koeiman di SOAW huntu ku hóbennan i mayornan partisipante di Ser’i Domi. Abou na man drechi Miembro di Parlamento Ana Maria Pauletta ku tambe ta presidente di Komishon di bario Ser’i Domi (Portrèt: Desmond Leetz/SOAW).
Hóbennan i mayornan di Ser’i Domi ku ta partisipa na e proyekto, huntu ku Minister Koeiman (meimei), presidente di bario Ana Maria Pauletta (abou na man drechi), Mamanan di Bario, Asistentnan (sintá dilanti) i Ace Suares (ariba na man robes) (Portrèt: Desmond Leetz/SOAW).